‘ಮಿಂಚುಹುಳು’- ಹನಿಗೊಂಚಲು (ಕೆಟ್ಟ ಟೈಟಲ್!)


ನಂಗೆ ಮಿಂಚುಳ ತುಂಬಾ ಇಷ್ಟ. ಚಿಕ್ಕವಳಿರುವಾಗ ತಮ್ಮನೊಟ್ಟಿಗೆ ಅವನ್ನ ಹಿಡಿದು ಮೈಮೇಲೆ ಬಿಟ್ಟುಕೊಳೋದೊಮ್ದು ಆಟವಾಗಿತ್ತು. ಗೊತ್ತಾ!? ನಮ್ಮ ಸಂಬಂಧಿಕರೊಬ್ಬರ ಮದ್ವೆ ಹಳ್ಳೀಲಾಗಿತ್ತು. ರಾತ್ರಿ ವರಪೂಜೆ ಹೊತ್ತಿಗೆ ಕರೆಂಟ್ ಹೊರ್ಟೋಯ್ತು. ಅಲ್ಲಿ ದೇವಸ್ಥಾನದ ದಬ್ಬೆ ಬೇಲಿ ಉದ್ದಕ್ಕೂ ಗೊಂಚಲುಗೊಂಚಲು ಬೆಳಕು! ಅವು ಮಿಂಚುಹುಳು!! ಆ ನೋಟ ಕಟ್ಟಿಕೊಟ್ಟ ಅನುಭಾವ (ಭಾ- ಸ್ಪೆಲಿಂಗ್ ಮಿಸ್ಟೇಕ್ ಅಲ್ಲ)ವನ್ನ ಮರೆಯೋದು ಹೇಗೆ? ಅದನ್ನ ನೆನೆಸ್ಕೊಂಡ್ರೆ ಈಗ್ಲೂ ಅಷ್ಟೇ ಪ್ರಮಾಣದಲ್ಲಿ ರೋಮಗಳು ಎದ್ದೇಳ್ತವೆ. ಹಾಗೆ ಎದ್ದ ಘಳಿಗೆಯಲ್ಲಿ ಹುಟ್ಟಿದ ಕೆಲವು ಮಿಣುಕುಗಳು……

~1~

ಚಂದ್ರನ ಮೋಹಿಸಿದ
ಹುಳುಗಳು
ಬೆಳಕಿನ ಬಸಿರು ಹೊತ್ತಿವೆ.
~2~

ಜೀವದ ಹಣತೆಗಳು
ಬೆಳಕು ಹೊತ್ತು
ಹಾರಿವೆ
~3~

ಅಗೋ!
ಬೆಳಕಿನ ಹನಿಗೆ
ರೆಕ್ಕೆ ಮೂಡಿದೆ
~4~

ಬೆಂಕಿಯಿಲ್ಲದ
ಬೆಳಕು,
ಬುದ್ಧನಿಗೆ ಖುಷಿಯಾಗಿದೆ.

~5~

ನಕ್ಷತ್ರಗಳಿಗೆ
ಮಣ್ಣ ಮೋಹ,
ಶಾಪಕ್ಕೆ ಹುಳುವಾದವು
~6~

ಕತ್ತಲಲ್ಲಿ
ಸೂರ್ಯನ ಕಣ್ಣೀರು,
ಮೈದಳೆಯಿತು
ಮಿಂಚುಹುಳು.
~7~

ಬೆನ್ನಲ್ಲಿ ಬೆಳಕು,
ಮಿಂಚುಹುಳು
ದಾರಿತಪ್ಪುತ್ತಿದೆ.

Advertisements

5 thoughts on “‘ಮಿಂಚುಹುಳು’- ಹನಿಗೊಂಚಲು (ಕೆಟ್ಟ ಟೈಟಲ್!)

  1. ಆತ್ಮೀಯ.
    ಚಿಕ್ಕ೦ದಿನಿ೦ದಲೂ ಮಿ೦ಚುಹುಳುಗಲು ಎಲ್ಲರ ಅಚ್ಚರಿಗೆ ಮತ್ತು ಸ೦ತೋಷಕ್ಕೆ ಕಾರಣ. ಕವನ ಅದ್ಭುತವಾಗಿದೆ. ನಿಮ್ಮ ಕವನದ ಸ್ಪೂರ್ತಿಯಿ೦ದ ಒ೦ದಷ್ಟು ಹನಿಗಳು
    ಮಿ೦ಚು ಹುಳುಗಳೆ೦ದರೆ

    ಮಿ೦ಚು ಕ೦ಗಳ
    ಚೆಲುವೆಯ ಕಣ್ಣ೦ಚಿನಿ೦ದ
    ಹೊರಟ ಕಿಡಿ

    ನಗುವ ಕ೦ದನ
    ನಗೆಯ ಸ೦ಚಿನ
    ಹೊಳಪಿನ ಧಾರೆ

    ಅದು ನಾನಾಗಿದ್ದರೆ
    ಎ೦ಬ ಆಸೆಯ
    ಉಸಿರ ಹೊತ್ತ ಅಸೂಯೆ

    ಕತ್ತಲಲಿ ಹಸಿರೆಲೆಯ
    ತೋರುವ ಚ೦ದದ
    ಪುಟ್ಟ ಕಾಲ್ದೀಪ

    ಸೂರ್ಯನೆಳೆ ಕಿರಣಕೆ
    ಫಳಗುಡುವ ಹನಿಯ
    ನು೦ಗಿದ ನೀಲಮಣಿ

    ಸುಮ್ಮನೆ ಕೂತ
    ಮನಸಿಗೆ ಮುತ್ತಿಟ್ಟು
    ಹಗುರಾಗಿಸುವ ಪ್ರಿಯೆ

    ನಿಮ್ಮವ

    ಹರೀಶ್ ಆತ್ರೇಯ

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s