ದಕ್ಷಿಣೇಶ್ವರ ಯಾತ್ರೆಗೆ…

ಸಂಜೆಯಾಗಲು ತವಕಿಪುದು ಮನ
ದಕ್ಷಿಣೇಶ್ವರ ಯಾತ್ರೆಗೆ
ಪರಮಹಂಸರ ತೀರ್ಥವಾಣಿಯ
ಪಂಚ ಅಮೃತದ ಪಾತ್ರೆಗೆ…  ( ಕುವೆಂಪು ರಚನೆ)

ಸಾಕಾಗಿದೆ. ಒಂದು ಹತ್ತು ದಿನ ತಣ್ಣಗೆ ನನ್ನ ನೆಚ್ಚಿನ ಸ್ಥಳದಲ್ಲಿ ಇದ್ದು ಬರ್ತೇನೆ. ಪರಮಹಂಸರು, ಶಾರದಾ ದೇವಿ, ವಿವೇಕಾನಂದರು ಓಡಾಡಿದ ಜಾಗಗಳನ್ನ ಕಣ್ತುಂಬಿಸಿಕೊಂಡು ಬರ್ತೇನೆ.
ಕುವೆಂಪು ಹಾಡಿದ್ದಂತೆ ಪ್ರತಿ ದಿನವೂ ಇದನ್ನು ನಾನು ಹಾಡುವವಳೇ. ಹಾಗೆಂದೇ ಮತ್ತೆ ಕೈಬೀಸಿ ಕರೆಯುತ್ತಿರುವ ದಕ್ಷಿಣೇಶ್ವರದತ್ತ ಪ್ರಯಾಣ. ನಾಳೆ ಹೊರಟಿದ್ದೇನೆ.

ಬಂದಮೇಲೆ, ಕುವೆಂಪು ಅವರ ಅಧ್ಯಾತ್ಮಿಕ ಆಸಕ್ತಿಯ ಬಗ್ಗೆ, ಅವರು ರಾಮಕೃಷ್ಣ ಆಶ್ರಮದಿಂದ ದೀಕ್ಷೆ ಪಡೆದಿದ್ದರ ಬಗ್ಗೆ, ವಿವೇಕಾನಂದರಿಂದ ಪ್ರೇರಿತರಾಗಿದ್ದುದರ ಬಗ್ಗೆ ಎಲ್ಲ ಮಾತನಾಡಬಹುದಲ್ಲ? ಆ ಬಗ್ಗೆ ತೇಜಸ್ವಿ ಮತ್ತು ದೇ.ಜ.ಗೌಡರ ಬರಹಗಳಲ್ಲಿ, ಸ್ವತಃ ಕುವೆಂಪು ಬರಹಗಳಲ್ಲಿ ಸಾಕಷ್ಟು ಮಾಹಿತಿ ಇದೆ. ವಿವೇಕಾನಂದರ ‘ಸಾಂಗ್ ಆಫ್ ಸನ್ಯಾಸಿನ್’ ಗೀತೆಯನ್ನು ಕುವೆಂಪು ಮೂಲಕ್ಕಿಂತಲೂ ಹೆಚ್ಚು ಪ್ರಖರವಾಗಿ ಕನ್ನಡದಲ್ಲಿ ಪುನರ್ನಿರೂಪಿಸಿದ್ದಾರೆ. “ಏಳು ಮೇಲೇಳು ಸಾಧುವೆ ಹಾಡು ಚಾಗಿಯ ಹಾಡನು; ಹಾಡಿನಿಂದೆಚ್ಚರಿಸು ಮಲಗಿಹ ನಮ್ಮ ಈ ತಾಯ್ನಾಡನು…” ಎಂಬ ವಿವೇಕಾನಂದರ ಕರೆ ಅದು.

ಇರಲಿ,
ಅವೆಲ್ಲ ಬಂದ ಮೇಲೆಯೂ ಮಾತಾಡಬಹುದಲ್ಲವೇ?

ಬರುವವರೆಗೂ,
ಬೈ…

ಪ್ರೀತಿಯಿಂದ,
ಚೇತನಾ ತೀರ್ಥಹಳ್ಳಿ