ಡಾರ್ಕ್ ರೂಮಿನ ಧರ್ಮ ಸಂಕಟಗಳು…

………………………………………….

“ಬಿಸಿಲು ಚೂರು…. ಕೊಂಚ ಓರೆ ಮಾಡಿದ ಕಬ್ಬಿಣದ ಜಾಲರಿ ಬಾಗಿಲಿಂದ ಉದ್ದಕೆ ಒಳಬಂದಿದೆ. ಬಾಗಿಲು ಹಾಕಿದ್ದರೆ ಬಿಸಿಲು ಕೇವಲ ಊಹೆ ಮಾತ್ರ. ಹಗಲು ಹೊತ್ತು ಬಿಸಿಲಿರ್ತದೆ ಅನ್ನುವ ಕಾಮನ್ ಸೆನ್ಸ್. ಅಂವ ಸ್ವಲ್ಪವಾದರೂ ಓಪನ್ ಆಗು ಅನ್ನುತಿದ್ದ. ಹೊರಗೆ ಒಳ್ಳೆಯ ಕೆಲವಾದರೂ ಸ್ನೇಹಿತರು ಕಾದಿರುತ್ತಾರೆ ಅನ್ನುವುದೂ ಕಾಮನ್‌ಸೆನ್ಸೇ ಅಲ್ಲ? ನಂಗೆ ಆ ‘ಸ್ವಲ್ಪ’ದ ಪ್ರಮಾಣ ಎಷ್ಟಂತ ಗೊತ್ತಾಗಲಿಲ್ಲ. ಈಗೀಗ ಅಂವ, ಪೂರಾ ಹಾರುಹೊಡೆದು ಕುಂತಿದೀಯ ಅನ್ನುತ್ತಾನೆ.”

…………………………………………

“ಬದುಕು ಪ್ರಯಾಣ ಅಲ್ಲವೇನೋ? ದಾರಿಯ ಮೋಹ ನಡಿಗೆಯ ಸುಖವನ್ನ ನುಂಗಿ ಹಾಕುತ್ತೆ… ದಾರಿಗಾಗೇ ನಡೆದರೆ ಪ್ರಯಾಣ ಒಂಟೊಂಟಿ. ಬಹುಶಃ ದಾರಿ ಬಿಟ್ಟು ನಡೆದರೂ.”

…………………………………………

‘ಮುಂದಿನ ಹೆಜ್ಜೆ ಇಡಬೇಕಂದರೆ ಈಗಿನ ಹೆಜ್ಜೆಯನ್ನ ಕಿತ್ತಿಡಬೇಕು – ಇದು ಪಾಸಿಟಿವ್.

ಮುಂದೆ ಇರೋದು ಸಿಗುವಾಗ ಈಗ ಇರೋದು ಕೈಬಿಟ್ಟು ಹೋಗುತ್ತೆ – ಇದು ನೆಗೆಟಿವ್.

ಏನಾದರೇನು? ಅರ್ಥ ಒಂದೇ…. ಪರಿಣಾಮ ಒಂದೇ.’

96 Likes, 58 comments…

………………………………………….

ಇದು ಡಾರ್ಕ್ ರೂಮಿನ ಧರ್ಮಸಂಕಟಗಳ ಕೆಲವು ಚೂರುಗಳು. ಪೂರಾ ಓದಬೇಕಂದರೆ ಇಲ್ಲಿದೆ… ನಿಜಘಮದ ಕೇದಗೆಯಲ್ಲಿ….