ಮುಟ್ಟಿದ್ರೆ ಅಂಟ್ಕೊಳ್ತಾರೆ!


ಹೊತ್ತಲ್ಲದ ಹೊತ್ತಲ್ಲಿ ಬಡಕೊಳ್ಳುವ ಸೆಲ್‌ಫೋನ್ ಸ್ಕ್ರೀನ್ ಮೇಲೆ `ಕಿರಿಕಿರಿ’ ಅಂತಲೋ `ಫೆವಿಕಾಲ್’ ಅಂತಲೋ ಹೆಸರು. ಆ ಹೆಸರು ಅಂಟಿಸ್ಕೊಂಡವರು ಯಾರು ಬೇಕಾದರೂ ಆಗಿರಬಹುದು. ತೀರಾ ಸ್ವಂತ ಹೆಂಡತಿಯೂ ಅಥವಾ ಮುಖವೂ ಗೊತ್ತಿಲ್ಲದ ಯಾರೋ ಫೇಸ್‌ಬುಕ್ ಗೆಳೆಯನೂ.
ಕೆಲವರು ಹಾಗಿರ್ತಾರೆ. ಯಾರಾದರೂ ಒಂಚೂರು ಸ್ಪಂದಿಸಿದರೂ ಚಕ್ಕಂತ ಕಚ್ಕೊಂಡುಬಿಡ್ತಾರೆ. ಇಂಥವರನ್ನ `ಗೋಂದು’ ಅಂತಲೋ `ಗಮ್ ಪಾರ್ಟಿ’ ಅಂತಲೋ ಆಡಿಕೊಂಡು ನಗೋದುಂಟು. ಇಂಥಾ ಅಂಟುತನ ಬೇರೆಯವರಲ್ಲಿ ತಮ್ಮ ಬಗ್ಗೆ ಇರಿಟೇಶನ್ ಬೆಳೆಸುತ್ತೆ ಅಂತ ಇವರು ಯೋಚಿಸೋದೂ ಇಲ್ಲ. ಅವರಿಗೇನೋ ತಾವು ತುಂಬಾ ಕೇರಿಂಗ್, ಸಂಬಂಧಕ್ಕೆ ಬೆಲೆ ಕೊಡುವವರು, ಗೆಳೆತನವನ್ನ ಅದ್ಭುತವಾಗಿ ನಿಭಾಯಿಸ್ತಿರುವವರು ಅಂತೆಲ್ಲ ಭ್ರಮೆ ಇರುತ್ತೆ. ಆದರೆ ಈ ಥರದ ಅವರ ಕಾಳಜಿ – ಕಮ್ಯುನಿಕೇಶನ್, ಮತ್ತೊಂದು ತುದಿಯಲ್ಲಿ ಇರುವವರ ಪಾಲಿಗೆ `ಡ್ರಾಮಾ’ದಂತೆಯೂ ‘ಡಿಸ್ಗಸ್ಟಿಂಗ್’ ಆಗಿಯೂ ಕಾಣ್ತಿರುತ್ತೆ.

ಅಂಟ್ಕೊಳ್ತಾರಪ್ಪೋ!
ಒಂದು ಬಗೆಯ ಗಮ್ ಇದೆ. ಒಂದು ಹನಿಯಷ್ಟು ಹಾಕಿದರೂ ಗಪ್ಪಂತ ಹಿಡಿದುಕೊಂಡುಬಿಡುತ್ತೆ. ಹಾಗೆ, ಸಮಾನ ಆಸಕ್ತಿಯದೋ,ಒಂದೇ ಊರು ಅಂತಲೋ, ಬಾದರಾಯಣ ಸಂಬಂಧವೋ ಏನೋ ಒಂದು ಎಳೆ ಹಿಡಿದು ತಮ್ಮ ಸ್ನೇಹ ಸಂಬಂಧ ಎಸ್ಟಾಬ್ಲಿಶ್ ಮಾಡ್ಕೊಳ್ಳುವ ಜನರೂ ಇರ್ತಾರೆ. ಇಂಥವರ ಅಂಟಂಟಿನ ನಂಟು ಸಹಿಸ್ಕೊಳ್ಳೋದು ಬಹಳ ಕಷ್ಟ.
ಬರೀ ಫೋನ್‌ನಲ್ಲಿ, ಫೇಸ್‌ಬುಕ್ಕಲ್ಲಿ ಅಂಟ್ಕೊಳ್ಳೋರನ್ನ ಹೇಗಾದ್ರೂ ನಿಭಾಯಿಸಬಹುದು. ಬೆರಳು ತೋರಿಸಿದ್ರೆ ಕೈನೇ ನುಂಗುವ ಹಾಗೆ ಮೈಮೇಲೆ ಬೀಳೋರನ್ನ ಏನು ಮಾಡೋದು? ಅದೂ ಮನೆಗೆ ಬಂದು ಕೂತುಬಿಟ್ರೆ?
ಹಾಗಂತ ಇಂಥಾ ಗ್ಲೂಲೈಕ್ ಜನಗಳ ಜೊತೆ ತೀರಾ ಹಾರ್ಶ್ ಆಗಿ ಬಿಹೇವ್ ಮಾಡಬೇಕಿಲ್ಲ. ವಾಸ್ತವವಾಗಿ ಅಂಥವರಲ್ಲಿ ಪ್ರತಿಯೊಂದಕ್ಕೂ ಓವರ್ ರೆಸ್ಪಾಂಡ್ ಮಾಡುವ, ಸಂಬಂಧಗಳಿಗೆ ಎಕ್ಸ್‌ಟ್ರಾ ಇಂಪಾರ್ಟೆನ್ಸ್ ಕೊಡುವ ಭೋಳೇತನ ಇರುತ್ತದೆ. ನಿಜದಲ್ಲಿ ತೀರಾ ಸಾಮಾನ್ಯವಾಗಿರುವ ಅಂಶಗಳು ಅವರಿಗೆ ದೊಡ್ಡದಾಗಿ ಕಾಣುತ್ತವೆ. ಔಪಚಾರಿಕ ಸ್ನೇಹವನ್ನು ಅವರು ಜನ್ಮಾಂತರದ ಗೆಳೆತನವಾಗಿ ಪರಿಗಣಿಸುವಷ್ಟು ಅಮಾಯಕರಾಗಿರುತ್ತಾರೆ. ಇಂಥವರಿಗೆ ಖಂಡಿತವಾಗಿಯೂ ನಿಮಗೆ ತೊಂದರೆ ಕೊಡಬೇಕೆಂಬ ಉದ್ದೇಶ ಇರೋದಿಲ್ಲ. ಇಂಥಾ ಅಂಟುಪುರಲೆಗಳಲ್ಲಿ ಕೆಲವು ಮಿಥ್‌ಗಳು ಮನೆ ಮಾಡಿರುತ್ತವೆ. ಅವರು, ತಮ್ಮ ಆಟಿಟ್ಯೂಡ್‌ನಿಂದ ಸಂಬಂಧಗಳು ಗಟ್ಟಿಗೊಳ್ಳಬಹುದು ಅಂದುಕೊಳ್ತಾರೆ. ನಿಜದಲ್ಲಿ ಅದರ ಪರಿಣಾಮ ಉಲ್ಟಾ. ಅವರ ಸಹವಾಸದಲ್ಲಿರುವವರು ಇಂಥವರನ್ನು ಕಂಡರೆ ಆದಷ್ಟೂ ತಪ್ಪಿಸ್ಕೊಳ್ಳಲು ಪ್ರಯತ್ನಿಸ್ತಾರೆ. ಬಹುತೇಕ ಫೋನ್‌ಕಾಲ್‌ಗಳನ್ನು ಸ್ಕಿಪ್ ಮಾಡತೊಡಗುತ್ತಾರೆ. ಹತ್ತು ಮೆಸೇಜುಗಳಲ್ಲಿ ಒಂದಕ್ಕೆ ಉತ್ತರಿಸಿದರೆ, ಅದು ಅವರ ದೊಡ್ಡತನವಷ್ಟೆ! ಯಾಕಂದರೆ ಈ `ಗಮ್ ಪಾರ್ಟಿ’ಗಳ ಇನ್ನೊಸೆಂಟ್ ಟಾರ್ಚರ್ ಆ ಲೆವೆಲ್‌ಗೆ ಇರುತ್ತದೆ.
ಇಲ್ಲಿ ನೆನಪಿಡಬೇಕಾದ ಮತ್ತೊಂದು ಸಂಗತಿ, ನೀವೆಷ್ಟೇ ಅವಾಯ್ಡ್ ಮಾಡಿದರೂ ಇಗ್ನೋರ್ ಮಾಡಿದರೂ ಅವರು ಸುಧಾರಿಸುವುದಿಲ್ಲ. ಅವರ ನಿಶ್ಚಯ, ನಿಮಗೆ ಅಂಟ್ಕೊಳ್ಳೋದಷ್ಟೆ. ನೀವು ಅಂಟಿಸ್ಕೊಳ್ತೀರೋ ಅಥವಾ ದೂರವಿರ್ತೀರೋ ಅನ್ನೋದು ಬೇಕಿರೋಲ್ಲ. ಸೋ, ಇಂಥವರ ವಿಷಯದಲ್ಲಿ ನಾವು ಸುಮ್ಮನಿರುವುದೇ ಜಾಣತನ.

Advertisements

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s